Neemodschen Kram

De Geschenke wern all utpackt – so´ne un solche! Nu is de Klock 15 Ühr, Kaffeeduft treckt dör´t Hus un dat geiht los mit Kaffeedrinken.

De Appelkoken ist mit Grafensteiner belecht, dortau gifft dat Schlagsahne, denn ohne Sahne keen Appelkoken! Dat weer all jümmers so.

Ella hett so´n modern Dong mit Schlagsahne inkofft, is allens fix un fertig, brukst nicht mehr schla´n, nur noch den lütten Deckel afmoken, up´n Knopp drücken – fertig.

Keen van de Gäst harr so´n Ding all inne Hand hat, un so woll ok nümms van de Gesellschaft das Ding in Gang bringen. Ellas Vadder ok nich. He sä: „Bist woll rappelig worn in´n Kopp, ick foat dat Ding nich an!“

Nu weer Ella dat to bunt. „Giff mal her!“ Nix is lichter as dat. Un sieheda, dat Ding geiht los. Brukst nix mehr moaken, nur op den Knop drücken. Dat kann doch sogar de lütte Carl!

„Noch jemand ohne?“ – „nee, alle bedient!“

Ella, stot as en Spanier, hett dat Ding inne Hand un söcht den Knop för ut. Wo is de blot?

De Katastrophe is nich mehr to stoppen. Vadder bölk: „Smiet ut´n Fenster!“ Man de Gardinen werm een Hindernis, un up Straat hat dat Ding noch een Footgänger an Kopp drepen könnt! Denn heste na all den Smierkram inne Stuuv noch Ärger kregen.

Un endlich geiht dat moderne Ding de Puste aus. Schließlich wör dat denn doch noch ne meue Fier – un alle Joahr wer dorvan vertellt. „Weßt noch...“? To´n lachen! Vadders nee Anzug keem mit de Gardinen inne Reinigung.

As Ella sick von ihrem Schmerz erholte, schreev se an de Firma, se so´n Ding herstellt: An Firma Top Haushalt, in Bergauf am Lech: „Guten Tag, Firma Top Haushalt! Nach langem Überlegen möchte ich Ihnen über meinen Vorfall mit ihrem Sahne-Spender berichten. Im Laufe des Gebrauchs auf einer Feier war er nicht mehr auszuschalten, hat an Kleidung der Gäste und Gardinen Schaden angerichtet, dadurch wurde die Feier heftig gestört. Die verschmutzten Sachen mussten in die Reinigung. Mein Vorschlag: Den Ausknopf deutlich kennzeichnen!“

Dat duer nich lang, und den Antwort keem. „Wir bedauern sehr den Vorfall anlässlich Ihrer Geburtstagsfeier, den unser Sahnespender auslöste. Wir werden Ihrem Vorschlag Folge leisten. Nehmen Sie unsere Entschuldigung hin und haben Sie mehr Erfolg mit beiliegendem Spender.“

- „Beiliegendem Spender“ – Denkste! De blifft in Schapp liggen, bit tp´n St. Nimmerleins-Dag!“