„Tuffels“ leest Winnetou

ARD un ZDF sünd ok all up den Tog upsprungen un will de oll Filme nu in´t Archiv liegen looten. Un bi´t ZDF seggen se, du dröfft dat „I-Wort“ för Winnetour nich mehr seggen. Dor lachen sik de Indianer sülvst över kringelig. Un dat all blots, wiel so´n poor Nattnösen, de noit in en Book van Karl May rinkiekt hebben, dumm Tüch in de soschialen Medien ruutposaunen. Ik hebb mi glieks an mien Klappreckner sett und ´n Mail na Ravensburger henstüüert. Is doch ´n Truurspeel, dat de Verlagslüe keen Mors inne Büx hebben!

Man to´n Glück bün ik mit mien Schkenllens nich alleen, halb Düütschland hett Ravenburger de Leviten leest un willt doorvan nich mehr koopen. Dat schall Ravenburger woll in´t Knipp marken. Wenn uns Kinners keen kulturelle Veelfalt un Toleranz mehr lehrt wordt, bruck wi uns nich wunnern, wenn de Demokratie een Dags överkopp geiht. Generationen van Kinners sünd mit Wunnetou und Old Shatterhand upwuchsen. Ik bün als Kind to´n Karneval as Winnetou gahn, wi hebbt nor geern in´t Kino de Films keeken. Un nu sowat.

Uns Enkelkinner könnt uns van Harten Leed doon, wenn sik Politikers un „Kulturschaffende“ van en lüttje Minnerheid vörschrieven laten, wat de Minschken to denken un to schnacken hebbt.

Dat musst di mal vörstellen: De Anti-Rassimus-Beupdroogte van de Bunnesregierung, de sülms türkischstämmig is, seggt, dat wi, de wi in Düütschland uppe Welt komen un hier uppwassen sünd, dat wi Tuffels sünd. Jo, ji hebbt richtig leest: Tuffels!

Hiermit grööt ik all Tuffels ut Neddersassen, de noch de oll Karl-May-Booken in´t Bökerschapp stohn hebbt: Vööl Spoaß bi´t schmöckern. Wi Tuffels leest Winnetou!