Een lütket Glücke in Alldach

Herrjemine, wat hät sick dor uppen Spitzbotten öwer dei Johre und Generationen an Trödel ansammelt. Dor mösste ick öwer ole Steule, Kistens und aneren Sammelsurien, bis ick dann endlich inne leste Ecke ankomen wör. Nich bloß dat dat Dacke dor so deupe wör, dat ne kum ston künn, leich ein dor so fäl Krimps-Kramps for dei Feute rümme. Na ja, wat schallt, ik füng an dei Fleisen, dei dor würn, tau sortiren, bit me dann dor een seltsame Kasten inne achtersten Eck upfalen wör.

Int Lichte hervorholt, wör düsse stöwige Kiste doch tatsächlich ne oled Röhreradio ut den 1950er Johren. As ik dat Rodio so in meen Häne holen deu, keum me natürlich dei Froge, ob dat woll noch spälen deu.

Löder denn am Owend, dei Norichten läupen gerode in Fernsehen, sei berichteten all wedder öwer den Krich in dei Ukraine und dän Klimawandel. Manched mol is die Berichterstattung man bangich schwor tau erdrägen, und so schalte ick dei Flimmerkiste in leste Tiet jummer fokener af. So uk düssen Owend, statt dessen häb ik me wädder mit dat ole Röhrenrodio beschäftigt.