Wat büst Du förn Deert!

Corona, Corona, wat büst Du förn Deert!?!

Na goot, bi ins Minschen löppt in letzter Tied jo eeniges verkehrt.

Doch wat förn Frechheit, kummst ganz ut China hierher, un bumms, heet dat inne ganze Welt: „Halt Stopp!“

Seeg mal, hes´t Du se noch all in´n Kopp?

De Lüüd gebt keen Arbeit, de Kinners keen School, un de Wirtschaft suust den Beek hindool – dat ist doch nich mehr normool!

Mit uns Frün´n könnt wi uns nich dröpen, ok nich mit Verwandte.

No Beerdigung dröff wie nich gohn – van Nobers, Cousinen und Tante.

An´n Sünndag keen singen und beeden, denn de Kark was dicht, bloß een Disch för de Karkendöör, door holt wi us – jeden för sick – dat Osterlicht.

Keen Landfrauenmarkt un keen Theoter, keen swimmen, keen Sport, allens harr Ruh.

Un keen hett Schuld, dat büs Du! Wenn Du denkst, Du mokt´s jetzt bi uns allens twei, nee, denn dor sitt een Uhl!

Jetzt holt wi tosomen, mookt nich up „cool“! Wi acht up den Nober un kööpt för em in. Bind´n Lappen fört Snutwark, denn dat mutt nu sien. Un Du Deert ut China hess dien´n Ansinnen verfehrt!

Anmarken: Ik heb en Drööm: Dat sik dat „Deert“ – as uns Plattschrieverin dat verdorrite Virus nömt hett – bold för altied van allennig torücktrecken deit. Man dat blifft woll blot en Drööm. Na veele Weeken gröttste Disziplin mokt de Politik nu Togeständnisse, un ik verstohr, wenn Lüe Angst hebbt, dat de Lockerungen to fell goahn. Up anner Siet denk ik: De meest Minschen weeten intüschen, wo se sik sülvst schützen könnt: mit Afstand, dat Inhollen van de Hygieneregeln und „Schnutenpulli“. Wi mööt ganz suttje in en „Nomolmodus“ komen un togliek dat „oll Deert“ in Schach hollen. Denn dat steiht inne Sterns, wannehr en Impfstoff insatzbereit is. LEH