Wi brukt „Originale“

Wat mien Bekannten is, dor dröp dat wirklich all to. He het denn Schalk in Nacken, wet veel Döntjes to vertellen, kennt Jan un de Welt – wat hebt wie all veel vergnögte Episoden mit em belevt. He wär een fixen Buur, het veele Lehrlinge utbild un de Jungs dat Rüstüg vör dat Leben bibrocht. Siene Lehrlinge hebt oft vertellt, am besten kunn he de Arbeit indehlen, dann wär he bums verschwunden un op Tour. Wenn he dann mit sien Auto unterwegs wär, het he immer sien Viehanhänger achter hungen, damit de Lüh in Dorp menen, wat is he woller fliedig. He het dorbi mol denn Anhänger während de Fohrt verloren, is dor ober erst achterkommen, at he woller of´n Hoff wär. Nun mussen alle mitsöken. Se hebt denn Anhänger in deepen Groben wollerfunden. Wär nicht mehr to gebruken, wi hebt us alle düchtig amüsiert.

Ok op Geburtsdaag un sonstige Fiern het he veele Döntjes vertellt. At Pastoor verkledet, het he schöne Predigten vordrogen. Vor korten wär he woller op 80. Geburtsdag in sien Element! Het in siene Predigt von Gott un de Welt vertellt, von Achtung un Liebe schnackt. Zwischen de Gäste het de richtige Pastoor ut Dörp setten, dat kunn he jo nicht weten. De richtige Pastoor het sik düchtig amüsiert und mende, he wull em gern at Kollege respektieren. Beide hebt dann tosommen düchtig Getränke verputzt, dormit wär de Sok behoben.

Mien Bekannten ist ok leidenschaftlicher Jäger, het ober oft Pech, dat bi em kiene Hosen vorbi loopt. Siene Jagdkollegen hebt Erbamen un drievt em ok Hosen vör de Flinte. So ist he ok mol Jagdkönig wurden. Bi Schüsseltreben wär he mit siene Witze un Humor sowieso de Beste.